Plantun de Prouvènço

Pèr coumpara dos planto d'encò nostre

Limodorum abortivum & Plumbago europaea

Espargo-fèro(-vióuleto)

Limodorum abortivum

Orchidaceae

Autre noum : Espargo-fèro.

Noms en français : Limodore à feuilles avortées, Limodore sans feuilles.

Descripcioun :
Dins d'ùni relarg ié dison l'espargo-fèro qu'èi verai que jouino ié sèmblo aleva la coulour. Aquesto ORCHIDACEAE se recounèis d'aise à sa coulour. Vèn bèn dins li garrigo e li relarg secarous. Li four se duerbon pas toujour (cleistougamìo).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : Pancaro entresigna
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Limodorum
Famiho : Orchidaceae

Coulour de la flour : Vióuleto
Petalo : irregulièro
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Colo - Basso mountagno - Garrigo
Estànci : Termoumediterran à Coulinen
Couroulougi : Pancaro entresigna
Ref. sc. : Limodorum abortivum (L.) Sw., 1799

Erbo-di-rascas

Plumbago europaea

Plumbaginaceae

Àutri noum : Erbo-enrabiado, Bagoun, Erbo-de-la-rougno, Erbo-di-couquin, Malo-erbo.

Noms en français : Dentelaire, Malherbe.

Descripcioun :
L'erbo-di-racas, mens coumuno qu'à passa tèms, trachis en ribo de camin, i pèd de muraio e dins lis escoumbre ounte flouris amé de poulìdi flour vióuleto, à la fin de l'estiéu. Es uno planto eisado de recounèisse emé si flour e si fru pegous qu'arrapon li péu e li teissu.

Usanço :
Èi couneigudo au nostre pèr garris la rasco. Ramentèn qu'aquesto malautié de pèu e de péu s'aprèn à de champignoun coume Microsporum canis. Freta la bèsti emé d'òli de bagoun (adouba en fasèn bouli la planto dins l'òli). Se dis peréu qu'en mastegant la racino, apaisso li ràbi de dènt (erbo-enrabiado)-TdF. Pamens se n'en fau mesfissa que fretado sus la pèu pòu douna d'enflamacioun.